വടക്കാഞ്ചേരി: പ്രധാനമന്ത്രി ആവാസ് യോജന (പി.എം.എ.വൈ) പദ്ധതി പ്രകാരം വടക്കാഞ്ചേരി ബ്ലോക്ക് പഞ്ചായത്തിലെ 60 കുടുംബങ്ങൾക്ക് ഓണസമ്മാനമായി പുത്തൻ ഭവനങ്ങൾ ഒരുങ്ങി. ബ്ലോക്ക് പഞ്ചായത്തിന് കീഴിലുള്ള 5 ഗ്രാമപഞ്ചായത്തുകളിലായി നിർമ്മാണം പൂർത്തിയാക്കിയ വീടുകളുടെ താക്കോൽ കൈമാറ്റവും ഗുണഭോക്തൃ സംഗമവും സംഘടിപ്പിച്ചു. താക്കോൽ ദാന കർമ്മം ബ്ലോക്ക് പഞ്ചായത്ത് പ്രസിഡന്റ് കെ.വി. നഫീസ നിർവ്വഹിച്ചു. വൈസ് പ്രസിഡന്റ് ശ്രുതി ലാലു യോഗത്തിൽ അദ്ധ്യക്ഷത വഹിച്ചു.
പദ്ധതിയുടെ ഭാഗമായി ഇതുവരെ 273 ഗുണഭോക്താക്കൾ കരാർ ഒപ്പിട്ടിട്ടുണ്ട്. ഇതിൽ പൂർത്തീകരിച്ച 60 വീടുകൾ ഉൾപ്പെടെ മൊത്തം 3 കോടി 81 ലക്ഷത്തി 28,000 രൂപയാണ് ഗുണഭോക്താക്കൾക്ക് കൈമാറിയത്. സാമ്പത്തിക സഹായത്തിൽ 1.33 കോടി രൂപ ബ്ലോക്ക് പഞ്ചായത്ത് വിഹിതവും, 1.1 കോടി രൂപ ജില്ലാ പഞ്ചായത്ത് വിഹിതവും, 63.65 ലക്ഷം രൂപ ഗ്രാമപഞ്ചായത്തുകളുടെ വിഹിതവുമാണ്.
ലതാ മോഹനൻ, സന്ധ്യ, ബിന്ദു ഗിരീഷ്, ടി.വി. സുനിൽകുമാർ, ഒ. ശ്രീകൃഷ്ണൻ, മീന സാജൻ, ടി.സി. രാമകൃഷ്ണൻ, ഷംല ശിഹാബ്, സിജി ജോൺ, കെ. പ്രേമൻ, എ.എ. റഹീന, എം.ജി. പ്രസീദ എന്നിവർ പ്രസംഗിച്ചു.
ന്യൂസ് ഡെസ്ക് കേരളടൈംസ്.
