ഇരിങ്ങാലക്കുട : കഠിനശ്രമവും ലക്ഷ്യബോധവുമുണ്ടെങ്കിൽ ഏതൊരു കൊടുമുടിയും കീഴടക്കാമെന്ന് തെളിയിക്കുകയാണ് കാതറിൻ തോമസ്. രാജ്യത്തെ ഏറ്റവും മികച്ച സാങ്കേതിക വിദ്യാഭ്യാസ സ്ഥാപനങ്ങളിലൊന്നായ ഐഐടി മദ്രാസിൽ നിന്നും കാതറിൻ തോമസ് വിജയകരമായി പിഎച്ച്ഡി കരസ്ഥമാക്കിയിരിക്കുന്നു.
ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയിലെ ഇലക്ട്രിക്കൽ എൻജിനീയറിംഗ് വിഭാഗത്തിന് കീഴിലുള്ള ‘ഇലക്ട്രോണിക് സിസ്റ്റം ഡിസൈൻ ആൻഡ് ഇൻസ്ട്രുമെന്റേഷൻ’ വിഭാഗത്തിലാണ് കാതറിൻ ഗവേഷണം പൂർത്തിയാക്കിയത്. പ്രശസ്ത ഗവേഷകനും പ്രൊഫസറുമായ ഡോ. ബോബി ജോർജിന്റെ കൃത്യമായ മാർഗനിർദേശമാണ് ഈ നേട്ടത്തിന് പിന്നിൽ.
ഒരു വലിയ വിജയത്തിന് പിന്നിൽ എപ്പോഴും സ്നേഹത്തോടെയും കരുതലോടെയും കൂടെനിൽക്കുന്ന ഒരു കുടുംബമുണ്ടാകും. ഭർത്താവ്
ജോസ് പി. ദമസ് (ഇന്റൽ പ്രൈവറ്റ് ലിമിറ്റഡിൽ സിസ്റ്റം ആൻഡ് ഹാർഡ്വെയർ എനാബ്ലിംഗ് എൻജിനീയറായി സേവനമനുഷ്ഠിക്കുന്നു). ന്റേയും
മാതാപിതാക്കളായ എ.ജെ. തോമസിന്റെയും പി. ജീന ചെറിയാന്റേയും
സഹോദരൻ ജോയൽ തോമസിന്റെയും പ്രോത്സാഹനം ഈ വിജയലബ്ദിയിൽ പ്രാധാന്യം അർഹിക്കുന്നു.
”വിജയം എന്നത് ഒറ്റയ്ക്കുള്ള യാത്രയല്ല, മറിച്ച് പ്രിയപ്പെട്ടവരുടെ പ്രോത്സാഹനവും നമ്മുടെ അചഞ്ചലമായ പ്രയത്നവും ചേരുന്നതാണ്.”
ഉയരങ്ങൾ കീഴടക്കാൻ ആഗ്രഹിക്കുന്ന ഏതൊരു വിദ്യാർത്ഥിക്കും വലിയൊരു പ്രചോദനമാണ് കാതറിൻ തോമസിന്റെ ഈ നേട്ടം. അക്കാദമിക് രംഗത്ത് പുതിയ ചരിത്രങ്ങൾ കുറിക്കാൻ കാതറിന് സാധിക്കട്ടെ എന്ന് ആശംസിക്കുന്നു!
അഭിമാന നിമിഷത്തിൽ കാതറിൻ തോമസിനും കുടുംബത്തിനും കേരളടൈംസിന്റെ ഹൃദയം നിറഞ്ഞ അഭിനന്ദനങ്ങൾ!
ന്യൂസ് ഡെസ്ക് കേരളടൈംസ് ഡെയിലി.
