കോട്ടയം: കേരളത്തിൽ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (AIIMS) സ്ഥാപിക്കുന്നതിനായി കോട്ടയം വെള്ളൂരിലെ ഹിന്ദുസ്ഥാൻ ന്യൂസ് പ്രിന്റ് ഫാക്ടറിയുടെ സ്ഥലവും പരിഗണിക്കുമെന്ന് ആരോഗ്യവകുപ്പ് മന്ത്രി മുരളീധരൻ. കോട്ടയത്ത് നടന്ന ‘കായകൽപ്പം’ ജനസമ്പർക്ക പരിപാടിയിൽ സംസാരിക്കുകയായിരുന്നു മന്ത്രി.വെള്ളൂരിൽ 700 ഏക്കറോളം സ്ഥലം ലഭ്യമാണെന്ന് ജനപ്രതിനിധികൾ ചൂണ്ടിക്കാട്ടിയിട്ടുണ്ടെന്നും, ഈ വിഷയം കേന്ദ്ര സർക്കാരിന്റെ ശ്രദ്ധയിൽപ്പെടുത്തുമെന്നും മന്ത്രി വ്യക്തമാക്കി.സർക്കാർ ആശുപത്രികളിൽ റോബോട്ടിക് സർജറിസംസ്ഥാനത്തെ സർക്കാർ ആശുപത്രികളിൽ റോബോട്ടിക് സർജറി വിഭാഗം സജ്ജമാക്കുന്നത് സർക്കാരിന്റെ സജീവ പരിഗണനയിലാണെന്ന് മന്ത്രി പറഞ്ഞു. ഏകദേശം 17 കോടി രൂപ ചെലവിൽ ഈ സംവിധാനം ഏർപ്പെടുത്താനാകുമെന്നാണ് വിലയിരുത്തുന്നത്. ഇതുസംബന്ധിച്ച് വിശദമായ പഠനത്തിനുശേഷം തുടർനടപടികൾ സ്വീകരിക്കും.ജനപ്രതിനിധികളുടെ അടുക്കലേക്ക് ആരോഗ്യാധിക്യൃതർ: ‘കായകൽപ്പം’ജനപ്രതിനിധികൾ തിരുവനന്തപുരത്തോ ഓഫീസുകളിലോ എത്തി നിവേദനം നൽകുന്ന പരമ്പരാഗത രീതിക്ക് പകരം, വകുപ്പ് അധികൃതർ നേരിട്ട് ജനപ്രതിനിധികളുടെ അടുക്കലേക്ക് എത്തുന്ന പദ്ധതിയാണ് ‘കായകൽപ്പം’. കോട്ടയം ജില്ലയിലെ ആരോഗ്യ മേഖലയുമായി ബന്ധപ്പെട്ട് മാധ്യമങ്ങളും ജനപ്രതിനിധികളും ചൂണ്ടിക്കാട്ടിയ പ്രശ്നങ്ങളിൽ അടിയന്തര ഇടപെടൽ നടത്തുമെന്നും മന്ത്രി കൂട്ടിച്ചേർത്തു.
കേരളത്തിന് എയിംസ്: കോട്ടയം വെള്ളൂരിലെ സ്ഥലവും പരിഗണനയിലെന്ന് മന്ത്രി മുരളീധരൻ റോബോട്ടിക് സർജറിയും പ്ലാനിൽ
