തൈക്കാട്: കുടുംബത്തിനും സമൂഹത്തിനും വേണ്ടി ജീവിതം സമർപ്പിച്ച ഇന്നത്തെ വയോജനങ്ങളെ സംരക്ഷിക്കേണ്ടതും ബഹുമാനിക്കേണ്ടതും സമൂഹത്തിന്റെ അനിവാര്യമായ കടമയാണെന്ന് ഡിസിസി പ്രസിഡന്റ് ജോസഫ് ടാജറ്റ് പ്രസ്താവിച്ചു. വയോജനങ്ങളെ ആദരിക്കേണ്ടതിന്റെ പ്രാധാന്യം ജനങ്ങൾക്കിടയിൽ കൂടുതൽ ബോധ്യപ്പെട്ടു തുടങ്ങിയിട്ടുണ്ടെന്നും അദ്ദേഹം കൂട്ടിച്ചേർത്തു.തൈക്കാട് മണ്ഡലം പതിനാലാം വാർഡ് കോൺഗ്രസ് കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച വയോജന ആദരിക്കൽ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.”ഇന്ത്യയുടെ ചരിത്രത്തിൽ തന്നെ ആദ്യമായി വയോജനങ്ങൾക്കായി ഒരു പ്രത്യേക വകുപ്പ് രൂപീകരിക്കുകയും അതിനെ അതീവ ഗൗരവത്തോടെ കണ്ട് വികസന പ്രവർത്തനങ്ങൾ നടത്തുകയും ചെയ്യുന്ന ഒരു കാലഘട്ടത്തിലൂടെയാണ് നാം കടന്നുപോകുന്നത്.” – ജോസഫ് ടാജറ്റ്ഉമ്മൻചാണ്ടി പുരസ്കാര വിതരണംവിവിധ പരീക്ഷകളിൽ ഉന്നത വിജയം കരസ്ഥമാക്കിയ മിടുക്കരായ വിദ്യാർത്ഥികൾക്കുള്ള ‘ഉമ്മൻചാണ്ടി പുരസ്കാര വിതരണം’ ചടങ്ങിൽ വെച്ച് ഡിസിസി സെക്രട്ടറി എ.ടി. സ്റ്റീഫൻ മാസ്റ്റർ നിർവ്വഹിച്ചു.മുൻ കൗൺസിലർ എ.പി. ബാബു മാസ്റ്ററുടെ അധ്യക്ഷതയിൽ ചേർന്ന യോഗത്തിൽ പ്രമുഖ കോൺഗ്രസ് നേതാക്കൾ പങ്കെടുത്തു. വയോജനങ്ങളുടെ ക്ഷേമവും പുതുതലമുറയുടെ വളർച്ചയും ലക്ഷ്യമിട്ടുള്ള ഇത്തരം കൂട്ടായ്മകൾ മാതൃകാപരമാണെന്ന് നേതാക്കൾ അഭിപ്രായപ്പെട്ടു.ചടങ്ങിൽ പങ്കെടുത്ത പ്രമുഖർ:സിജു പാവറട്ടി (ഡിസിസി സെക്രട്ടറി)സി.ജെ. സ്റ്റാൻലി (പാവറട്ടി ബ്ലോക്ക് കോൺഗ്രസ് കമ്മിറ്റി പ്രസിഡന്റ്)ബി.വി. ജോയ് (മണ്ഡലം പ്രസിഡന്റ്)എം.വി. ബിജു, റഷീദ് കുന്നിക്കൽ (കൗൺസിലർമാർ)എ.ആർ. അരുൺ (യൂത്ത് കോൺഗ്രസ് മണ്ഡലം പ്രസിഡന്റ്)എം.വി. ജോൺസൺ (വാർഡ് സെക്രട്ടറി)ചടങ്ങിന് വാർഡ് കോൺഗ്രസ് കമ്മിറ്റി ഭാരവാഹികളും നാട്ടുകാരും നേതൃത്വം നൽകി.
