ഇരിങ്ങാലക്കുട (എടക്കുളം): കഠിനാധ്വാനവും ലക്ഷ്യബോധവുമുണ്ടെങ്കിൽ ഏത് ഉന്നതവിജയവും കൈപ്പിടിയിലൊതുക്കാമെന്ന് തെളിയിച്ച് എടക്കുളം സ്വദേശിനി കെ.എസ്. ദേവീകൃഷ്ണ. തിരുവനന്തപുരം അക്കാദമി ഓഫ് സയന്റിഫിക് ആൻഡ് ഇന്നൊവേറ്റീവ് റിസർച്ചിൽ (സി.എസ്.ഐ.ആർ – CSIR) നിന്ന് കെമിസ്ട്രിയിലാണ് ദേവീകൃഷ്ണ പിഎച്ച്ഡി (PhD) കരസ്ഥമാക്കിയത്. ശാസ്ത്ര ഗവേഷണ രംഗത്തെ രാജ്യത്തെ തന്നെ ഏറ്റവും മുൻനിര സ്ഥാപനങ്ങളിലൊന്നിൽ നിന്നാണ് ഈ യുവപ്രതിഭ തന്റെ ഡോക്ടറേറ്റ് സ്വന്തമാക്കിയത് എന്നത് നേട്ടത്തിന്റെ തിളക്കം വർദ്ധിപ്പിക്കുന്നു.
ഉന്നതവിദ്യാഭ്യാസ രംഗത്ത് വലിയ സ്വപ്നങ്ങൾ കാണുന്ന ഏതൊരു പെൺകുട്ടിക്കും ഏറെ പ്രചോദനമേകുന്നതാണ് ദേവീകൃഷ്ണയുടെ ഈ വലിയ നേട്ടം. കുടുംബത്തിന്റെ പൂർണ്ണ പിന്തുണയോടെ ഗവേഷണ രംഗത്ത് തന്റേതായ മുദ്ര പതിപ്പിച്ച ഈ മിടുക്കി നാടിനാകെ അഭിമാനമായി മാറിയിരിക്കുകയാണ്.
എടക്കുളം കുനാക്കംപിള്ളി സ്വദേശികളായ സുനിൽ – വിജി ദമ്പതിമാരുടെ മകളാണ് ദേവീകൃഷ്ണ. ചെമ്മാപ്പിള്ളി വളവറ അഭിലാഷിന്റെ ഭാര്യയാണ്. മികച്ച വിജയത്തോടെ ഡോക്ടറേറ്റ് നേടിയ ദേവീകൃഷ്ണയ്ക്ക് നാട്ടുകാരും സുഹൃത്തുക്കളും അഭിനന്ദനങ്ങൾ അറിയിച്ചു.
കഠിനാധ്വാനത്തിന് അംഗീകാരം; കെമിസ്ട്രിയിൽ പിഎച്ച്ഡി നേടി എടക്കുളത്തിന്റെ അഭിമാനമായി കെ.എസ്. ദേവീകൃഷ്ണ
