കൊച്ചി: ചെറായിയിൽ സ്വകാര്യ ബസിൽ നിന്ന് വിദ്യാർഥി തെറിച്ചുവീണ സംഭവത്തിൽ പോലീസ് കേസെടുത്തു. അപകടത്തിന് കാരണമായ സ്വകാര്യ ബസ് കസ്റ്റഡിയിലെടുത്ത പോലീസ്, ഡ്രൈവർക്കും കണ്ടക്ടർക്കുമെതിരെ കേസ് രജിസ്റ്റർ ചെയ്തു. പറവൂർ ബോയ്സ് സ്കൂളിലെ ഏഴാം ക്ലാസ് വിദ്യാർഥിയാണ് കഴിഞ്ഞദിവസം അപകടത്തിൽപ്പെട്ടത്.ബസ് നിർത്തുന്നതിന് മുൻപ് ജീവനക്കാർ പിൻവാതിൽ തുറന്നുനൽകിയതാണ് കുട്ടി പുറത്തേക്ക് തെറിച്ചുവീഴാൻ കാരണമായത്. അപകടമുണ്ടായിട്ടും കുട്ടിയെ രക്ഷിക്കാനോ സഹായിക്കാനോ ബസ് ജീവനക്കാർ തയാറായില്ലെന്ന് കാണിച്ച് മാതാപിതാക്കൾ പോലീസിൽ പരാതി നൽകിയിരുന്നു. ഇതിന്റെ അടിസ്ഥാനത്തിലാണ് നടപടി.അപകടത്തിൽ ഗുരുതര വീഴ്ച വരുത്തിയ ബസ് ജീവനക്കാരുടെ ഡ്രൈവിങ് ലൈസൻസും കണ്ടക്ടർ ലൈസൻസും മോട്ടോർ വാഹന വകുപ്പ് സസ്പെൻഡ് ചെയ്യുമെന്നും അധികൃതർ വ്യക്തമാക്കിയിട്ടുണ്ട്.
ചെറായിയിൽ ബസിൽ നിന്ന് വിദ്യാർഥി തെറിച്ചുവീണ സംഭവം: സ്വകാര്യ ബസ് കസ്റ്റഡിയിൽ, ജീവനക്കാർക്കെതിരെ കേസ്
