തൃശൂർ : പ്രമുഖ ഫുട്ബോൾ പരിശീലകൻ ഡേവിഡ് ആന്റോയെ തൃശൂർ ജില്ലാ ഫുട്ബോൾ അസോസിയേഷൻ സെക്രട്ടറിയായി തിരഞ്ഞെടുത്തു.തൃശൂർ ജില്ലാ ഫുട്ബോൾ ടീം മുൻ അംഗമായ അദ്ദേഹം, കേരളവർമ്മ കോളേജിന് നിരവധി ഫുട്ബോൾ കിരീടങ്ങൾ നേടിക്കൊടുക്കുന്നതിൽ നിർണായക പങ്കുവഹിച്ചിട്ടുണ്ട്. ഗ്രാമീണ മേഖലയിലെ കായിക വളർച്ചയ്ക്ക് മാതൃകാപരമായ സംഭാവനകളാണ് നൽകിയത്. അദ്ദേഹത്തിന്റെ ശിക്ഷണത്തിൽ ഒട്ടനവധി മികച്ച ഫുട്ബോൾ പ്രതിഭകളാണ് ഉയർന്നുവന്നത്.ഗുരുവായൂർ ഫുട്ബോൾ അക്കാദമിയുടെ മുഖ്യ പരിശീലകൻ, ജില്ലാ ഫുട്ബോൾ അസോസിയേഷൻ വൈസ് പ്രസിഡന്റ്, ജോയിന്റ് സെക്രട്ടറി, എന്നീ നിലകളിൽ മികച്ച പ്രവർത്തനമാണ് അദ്ദേഹം കാഴ്ചവെച്ചത്. ജില്ലയിൽ ഫുട്ബോൾ രംഗത്ത് പുതിയ ഊർജ്ജം പകരാൻ അദ്ദേഹത്തിന്റെ പുതിയ പദവിക്ക് സാധിക്കട്ടെ എന്ന് ആശംസിക്കുന്നു.ഡേവിഡ് ആന്റോയ്ക്ക് കേരളടൈംസിന്റെ ഹൃദയം നിറഞ്ഞ അഭിനന്ദനങ്ങൾ!
