തിരുവനന്തപുരം: ഗ്ലാസ്ഗോ 2026 കോമണ്വെല്ത്ത് ഗെയിംസ് ലോങ് ജമ്പില് വെള്ളി മെഡല് നേടി രാജ്യത്തിന്റെ അഭിമാനമായി മാറിയ ഒളിമ്പ്യന് എം. ശ്രീശങ്കറിനെ ഫോണില് വിളിച്ച് അഭിനന്ദനമറിയിച്ച് മുഖ്യമന്ത്രി വി.ഡി. സതീശന്. തുടര്ച്ചയായ രണ്ടാം കോമണ്വെല്ത്ത് ഗെയിംസിലാണ് ശ്രീശങ്കര് വെള്ളി മെഡല് നേടുന്നത്. ഈ നേട്ടത്തോടെ കോമണ്വെല്ത്ത് ഗെയിംസ് ലോങ് ജമ്പില് ബാക്ക് ടു ബാക്ക് മെഡലുകള് സ്വന്തമാക്കുന്ന ആദ്യ ഇന്ത്യന് താരമെന്ന ചരിത്രനേട്ടവും ശ്രീശങ്കര് തന്റെ പേരിലാക്കി. കേരളത്തിന്റെ കായിക ചരിത്രത്തില് മറ്റൊരു സുവര്ണ്ണ അധ്യായമാണ് ഇതിലൂടെ കൂട്ടിച്ചേര്ക്കപ്പെട്ടിരിക്കുന്നതെന്ന് മുഖ്യമന്ത്രി പറഞ്ഞു.
സംസാരത്തിനിടയില് കേരളത്തിന്റെ കായിക മേഖലയ്ക്ക് കൂടുതല് ശക്തിപകരണമെന്ന് ശ്രീശങ്കര് മുഖ്യമന്ത്രിയോട് അഭ്യര്ത്ഥിച്ചു. സംസ്ഥാനത്തെ കായികമേഖലയുടെ വളര്ച്ചയ്ക്കും പുരോഗതിക്കും വികസനത്തിനും സര്ക്കാര് ഏറ്റവും ഉയര്ന്ന പരിഗണനയും പ്രാധാന്യവും നല്കുമെന്ന് മുഖ്യമന്ത്രി ശ്രീശങ്കറിന് ഉറപ്പുനല്കി.