കെ പി എം എസ് കുന്നുമ്മൽകാട് ശാഖ സംഘടിപ്പിച്ച അവിട്ടാഘോഷ ഘോഷയാത്ര.

അയ്യങ്കാളി ജയന്തി ആഘോഷിച്ചു.

പട്ടേപ്പാടം : മഹാത്മ അയ്യങ്കാളിയുടെ 163 ജന്മദിനം കുന്നുമ്മൽക്കാട് ശാഖയിൽ ആഘോഷപൂർവ്വം സംഘടിപ്പിച്ചു.
പട്ടേപ്പാടം സെൻററിൽ നടന്ന സാംസ്കാരിക സമ്മേളനം വെള്ളാങ്ങല്ലൂർ ബ്ലോക്ക് പഞ്ചായത്ത് അംഗം ഗീത മനോജ് ഉദ്ഘാടനം നിർവഹിച്ചു.
ശാഖാ പ്രസിഡണ്ട് വിവേക് മോഹൻ അധ്യക്ഷത വഹിച്ചു. വേളൂക്കര പഞ്ചായത്ത് മെമ്പർ രമിതാ സുധീന്ദ്രൻ മുഖ്യാതിഥിയായിരുന്നു. യൂണിയൻ സെക്രട്ടറി പ്രേംജിത്ത് പൂവത്തുംകടവിൽ സഭാ സന്ദേശം നൽകി. മീഡിയ സംസ്ഥാന കമ്മിറ്റി അംഗം ശിഖിൽ ശിവരാമൻ ആശംസകൾ നേർന്നു സംസാരിച്ചു. ശാഖ സെക്രട്ടറി സത്യൻ എടപ്പുള്ളി സ്വാഗതവും ശാഖാ ഖജാൻജി ശിവൻ കണ്ണാടി പറമ്പിൽ നന്ദിയും പറഞ്ഞു.