കർഷകർക്ക് കാർഷിക വിളകൾ വിളവെടുക്കുന്നതിനോ വിൽക്കുന്നതിനോ, ചെറിയ ഡയറി ഫാമുകൾ, കോഴിഫാമുകൾ ആരംഭിക്കുന്നതിനോ, നിലവിലുള്ള വീടുകളുടെ അത്യാവശ്യ അറ്റകുറ്റപ്പണികൾ നടത്തുന്നതിനോ, കിണർ കുഴിക്കുന്നതിനോ, കുടിവെള്ള പൈപ്പുകൾ സ്ഥാപിക്കുന്നതിനോ, വേലി / മതിൽ നിർമ്മിക്കുന്നതിനോ, കൈവശമുള്ള ഭൂമിയുടെ ഉടമസ്ഥാവകാശത്തിനോ, തീറുവാങ്ങൽ, വിൽക്കൽ, പണയം വെക്കൽ തുടങ്ങിയ ക്രയവിക്രയങ്ങൾക്കോ നിയമപരമായി യാതൊരു തടസ്സവുമില്ല.
കൂടാതെ റോഡുകളുടെ ടാറിംഗ്, അറ്റകുറ്റപ്പണികൾ, തെരുവ് വിളക്ക് സ്ഥാപിക്കൽ, വൈദ്യുതി – ഇൻ്റർനെറ്റ് ലൈനുകൾ വലിക്കൽ തുടങ്ങിയ അടിസ്ഥാന വികസന പ്രവർത്തനങ്ങളെല്ലാം തദ്ദേശ സ്ഥാപങ്ങൾ വഴി തുടർന്നും നടത്താവുന്നതാണ്.
കൃത്യമായ ഗ്രൗണ്ട് സർവേയിലൂടെ ജനവാസ മേഖലകളെ ഒഴിവാക്കുകയും, കയ്യേറിയ റവന്യു-വനഭൂമി തിരിച്ചുപിടിക്കുകയും ചെയ്യുന്നതോടൊപ്പം, ഏതെല്ലാം പ്രവർത്തനങ്ങൾക്കാണ് അനുമതിയുള്ളത്, എന്തിനൊക്കെ യാണ് നിയന്ത്രണം എന്നീ കാര്യങ്ങളിൽ ശരിയായ ബോധവൽക്കരണം അടിയന്തിരമായി നടത്തുന്നതിന് റവന്യു- വനം വകുപ്പ് അധികാരികൾ രംഗത്തിറങ്ങണമെന്നും യോഗം ആവശ്യപ്പെട്ടു.
സലിൽ വയലാത്തല അദ്ധ്യക്ഷത വഹിച്ച യോഗത്തിൽ
എസ്. കൃഷ്ണകുമാർ, അഞ്ജിത.എസ്,
K.S.ദിലീപൻ, അനിൽകുമാർ. എ,
ബിനു, P.വിനോദ്, എന്നിവർ സംസാരിച്ചു.
ന്യൂസ് ഡെസ്ക് കേരളടൈംസ്
