“ആരോഗ്യരംഗത്ത് തൃശൂരിന് തിളക്കമേറിയ നേട്ടം; രണ്ട് കുടുംബാരോഗ്യ കേന്ദ്രങ്ങൾക്ക് ദേശീയ അംഗീകാരം”

93.27% മികവോടെ നടത്തറ കുടുംബാരോഗ്യ കേന്ദ്രവും

92.57% മികവോടെ ചാലക്കുടി വി.ആർ. പുരം കുടുംബാരോഗ്യ കേന്ദ്രവും

തൃശൂർ: പ്രാഥമിക ആരോഗ്യ രംഗത്തെ മികച്ച പ്രവർത്തനങ്ങൾക്ക് തൃശൂർ ജില്ലയ്ക്ക് അഭിമാനമായി രണ്ട് കുടുംബാരോഗ്യ കേന്ദ്രങ്ങൾക്ക്
നാഷണൽ ക്വാളിറ്റി അഷ്വറൻസ് സ്റ്റാൻഡേർഡ്സ് (NQAS). കേന്ദ്ര ആരോഗ്യ-കുടുംബക്ഷേമ മന്ത്രാലയത്തിന്റെ നേതൃത്വത്തിലുള്ള ഗുണനിലവാര മാനദണ്ഡങ്ങൾ അടിസ്ഥാനമാക്കി വിവിധ ഘട്ടങ്ങളിലായാണ് സ്ഥാപനങ്ങളുടെ പ്രവർത്തനം വിലയിരുത്തുന്നത്.
നടത്തറ കുടുംബാരോഗ്യ കേന്ദ്രവും ചാലക്കുടി വി.ആർ. പുരം കുടുംബാരോഗ്യ കേന്ദ്രവുമാണ് ദേശീയ നിലവാരം പുലർത്തിയതിന് അംഗീകാരം നേടിയത്.

നടത്തറ കുടുംബാരോഗ്യ കേന്ദ്രം 93.27 ശതമാനം മികവോടെയും ചാലക്കുടി വി.ആർ. പുരം കുടുംബാരോഗ്യ കേന്ദ്രം 92.57 ശതമാനം മികവോടെയുമാണ് NQAS അംഗീകാരം സ്വന്തമാക്കിയത്. പ്രാഥമിക ആരോഗ്യ സേവനങ്ങളുടെ ഗുണനിലവാരം ഉയർത്തുന്നതിനുള്ള സംസ്ഥാനത്തെ പ്രവർത്തനങ്ങൾക്ക് ശക്തിപകരുന്നതാണ് ഈ നേട്ടം.

നിലവാര പരിശോധനയിൽ മികവ്

രോഗികൾക്ക് നൽകുന്ന ചികിത്സാ സേവനങ്ങളുടെ ഗുണനിലവാരം, രോഗീസൗഹൃദ സമീപനം, ശുചിത്വം, അണുബാധ നിയന്ത്രണം, മരുന്നുകളുടെ ലഭ്യത, അടിസ്ഥാന സൗകര്യങ്ങൾ, ജീവനക്കാരുടെ സേവന നിലവാരം, രേഖസംരക്ഷണം, ഭരണസംവിധാനം തുടങ്ങിയ വിവിധ മേഖലകളിലെ പ്രവർത്തനങ്ങൾ വിശദമായി വിലയിരുത്തിയാണ് NQAS അംഗീകാരം നൽകുന്നത്.

ദേശീയ ഗുണനിലവാര മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കുന്നതിനായി വിവിധ ഘട്ടങ്ങളിലായാണ് പരിശോധനയും വിലയിരുത്തലും നടക്കുന്നത്. ഈ മാനദണ്ഡങ്ങളിൽ ഉയർന്ന നിലവാരം പുലർത്തിയതിനാണ് നടത്തറയും വി.ആർ. പുരവും ദേശീയ അംഗീകാരത്തിന് അർഹമായത്.

രോഗീസൗഹൃദ ആരോഗ്യ സേവനത്തിന് അംഗീകാരം

ജനങ്ങൾക്ക് അവരുടെ പ്രദേശത്ത് തന്നെ ഗുണമേന്മയുള്ള പ്രാഥമിക ആരോഗ്യ സേവനങ്ങൾ ലഭ്യമാക്കുക എന്ന ലക്ഷ്യത്തോടെ പ്രവർത്തിക്കുന്ന കുടുംബാരോഗ്യ കേന്ദ്രങ്ങളുടെ പ്രവർത്തനങ്ങൾക്ക് ഈ അംഗീകാരം വലിയ പ്രോത്സാഹനമാണ്.

ആരോഗ്യപ്രവർത്തകരുടെയും ജീവനക്കാരുടെയും കൂട്ടായ പ്രവർത്തനം, മികച്ച സേവന മനോഭാവം, സ്ഥാപനതലത്തിലെ ഗുണനിലവാര മാനദണ്ഡങ്ങൾ പാലിക്കുന്നതിനുള്ള നിരന്തര ഇടപെടലുകൾ എന്നിവയാണ് ഈ നേട്ടത്തിന് പിന്നിൽ.

തൃശൂർ ജില്ലയിലെ പൊതുജനാരോഗ്യ സംവിധാനത്തിന്റെ മികവ് ദേശീയ തലത്തിൽ അടയാളപ്പെടുത്തുന്നതാണ് രണ്ട് കുടുംബാരോഗ്യ കേന്ദ്രങ്ങൾക്കും ലഭിച്ച ഈ അംഗീകാരം. പ്രാഥമിക ആരോഗ്യ മേഖലയിൽ കൂടുതൽ ഗുണനിലവാരമുള്ള സേവനങ്ങൾ ഉറപ്പാക്കുന്നതിനും മറ്റ് ആരോഗ്യ സ്ഥാപനങ്ങൾക്ക് മാതൃകയാകുന്നതിനും ഈ നേട്ടം വഴിയൊരുക്കും.

ന്യൂസ്ഡെസ്‌ക് കേരളടൈംസ്.