തൃശ്ശൂർ: മുണ്ടത്തിക്കോട് വെടിക്കെട്ട് ദുരന്തത്തിൽ ജീവൻ നഷ്ടപ്പെട്ടവരുടെ കുടുംബങ്ങൾക്കും പരിക്കേറ്റവർക്കുമുള്ള മണപ്പുറം ഫിനാൻസിന്റെ സാമ്പത്തിക സഹായം വിതരണം ചെയ്തു. തൃശ്ശൂർ കളക്ടറേറ്റിൽ നടന്ന ചടങ്ങിൽ ജില്ലാ കളക്ടർ ശിഖ സുരേന്ദ്രനാണ് സഹായധനം കൈമാറിയത്.മണപ്പുറം ഫിനാൻസ് സി.എം.ഡി. വി.പി. നന്ദകുമാർ ചടങ്ങിൽ അധ്യക്ഷത വഹിച്ചു. കോ-പ്രൊമോട്ടർ സുഷമ നന്ദകുമാർ, ഡെപ്യൂട്ടി കളക്ടർ കെ.എസ്. നസിയ, ലയൺസ് ഡിസ്ട്രിക്റ്റ് ഗവർണർ സുരേഷ് വാര്യർ, എം.ഡി. ഇഗ്നേഷ്യസ്, സജു ആന്റണി പാത്താടൻ, കെ.എം. അഷ്റഫ്, ഷിനിത ആഷിക് എന്നിവർ സംസാരിച്ചു.
മുണ്ടത്തിക്കോട് വെടിക്കെട്ട് ദുരന്തബാധിതർക്ക് മണപ്പുറം ഫിനാൻസിന്റെ സാമ്പത്തിക സഹായം വിതരണം ചെയ്തു
