കുറുമാൽ: കിഡ്നി ഫെഡറേഷൻ ഓഫ് ഇന്ത്യയുടെ കുറുമാലിലുള്ള സൗജന്യ ഡയാലിസിസ് സെന്ററിന്റെ രണ്ടാമത് ഡയാലിസിസ് യൂണിറ്റും മറ്റ് അനുബന്ധ സൗകര്യങ്ങളും ആരോഗ്യവകുപ്പ് മന്ത്രി കെ. മുരളീധരൻ ഓഗസ്റ്റ് 8 ശനി രാവിലെ 10:30-ന് ഉദ്ഘാടനം ചെയ്തു.
ഫാ. ഡേവിസ് ചിറമേലിന്റെ വൃക്കദാന സന്ദേശത്തിൽ നിന്ന് തുടക്കമിട്ട ഈ കേന്ദ്രത്തിൽ പുതുതായി സജ്ജീകരിച്ചിരിക്കുന്ന സൗകര്യങ്ങൾ താഴെ പറയുന്നവയാണ്:
രണ്ടാമത് ഡയാലിസിസ് യൂണിറ്റ്: ഫെഡറൽ ബാങ്ക് ഹോർമിസ് മെമ്മോറിയൽ ഫൗണ്ടേഷന്റെ സി.എസ്.ആർ. സഹായത്തോടെ 10 മെഷീനുകൾ ഉൾപ്പെടുത്തിയാണ് ഡയാലിസിസ് സെന്ററിന്റെ ഒന്നാം നിലയിൽ ഈ യൂണിറ്റ് സജ്ജീകരിച്ചിരിക്കുന്നത്.
സൗജന്യ ഫിസിയോതെറാപ്പി യൂണിറ്റ്: ‘ഫിസിയോ ടുഡേ യുകെ’യുടെ സഹകരണത്തോടെ പ്രവർത്തിക്കുന്നു.
ഓപ്പൺ ജിം: മണപ്പുറം ഫൗണ്ടേഷന്റെ പങ്കാളിത്തത്തോടെയാണ് പൂർത്തിയാക്കിയത്.
കിഡ്നി ഗ്രീൻ പാർക്ക്: വിശാലമായ രീതിയിൽ സജ്ജീകരിച്ച പുതിയ പാർക്ക്.
ചടങ്ങിൽ കുന്നംകുളം എം.എൽ.എ എ.സി. മൊയ്തീൻ അധ്യക്ഷത വഹിച്ചു. കിഡ്നി ഫെഡറേഷൻ ഓഫ് ഇന്ത്യ ചെയർമാൻ ഫാ. ഡേവിസ് ചിറമേൽ, വേലൂർ പഞ്ചായത്ത് പ്രസിഡന്റ് സ്വപ്ന രാമചന്ദ്രൻ, കൈപ്പറമ്പ് പഞ്ചായത്ത് പ്രസിഡന്റ് പ്രമീള സുബ്രഹ്മണ്യൻ, അമല ഹോസ്പിറ്റൽ ഡയറക്ടർ ഫാ. ജയ്സൻ മുണ്ടന്മാണി എന്നിവർ പങ്കെടുത്തു.
ഫാ. ജോൺ പടിഞ്ഞാക്കര, ഫാ. ജെയ്സൺ തെക്കുംപുറം, ഫാ. ഡോ. സേവ്യർ ക്രിസ്റ്റി, ജീ മോഹനചന്ദ്രൻ, ബി.എം. ജെയിംസ്, സാൻജോ നമ്പാടൻ, പ്രിൻസ് തോമസ്, യേശുദാസ് പി.പി, കിഡ്നി ഫെഡറേഷൻ ഡയറക്ടർ ബോർഡ് അംഗങ്ങൾ, രാഷ്ട്രീയ സാമൂഹിക രംഗത്തെ പ്രമുഖർ എന്നിവർ ചടങ്ങിൽ ആശംസകൾ അർപ്പിച്ചു പ്രസംഗിച്ചു.
തൃശൂർ കുറുമാലിൽ സൗജന്യ ഡയാലിസിസ്, ഫിസിയോതെറാപ്പി യൂണിറ്റുകൾ മന്ത്രി കെ. മുരളീധരൻ ഉദ്ഘാടനം ചെയ്തു
