എറണാകുളം : മസ്തിഷ്ക മരണം സംഭവിച്ച ജുവിൻ രാജുവിന്റെ ഹൃദയവുമായി അശ്വന്ത് ആശുപത്രി വിട്ടു. ലിസി ആശുപത്രിയിൽ വിജയകരമായി പൂർത്തിയായ മുപ്പത്തിമൂന്നാമത് ഹൃദയം മാറ്റിവയ്ക്കൽ ശസ്ത്രക്രിയയ്ക്ക് ശേഷമാണ് ഇരുപത്തിനാലുകാരനായ അശ്വന്ത് ചന്ദ്രൻ ജീവിതത്തിലേക്ക് പൂർണ്ണ ആരോഗ്യവാനായി മടങ്ങിയെത്തുന്നത്.
മരണത്തിലും മറ്റൊരാളിലൂടെ ജീവിക്കാൻ തയ്യാറായ പതിനാറുകാരൻ ജുവിൻ രാജുവിന്റെ മാതാപിതാക്കളുടെ വലിയൊരു കാരുണ്യത്തിന്റെ കഥയാണിത്. ജന്മനാ അതീവ സങ്കീർണ്ണമായ ഹൃദ്രോഗവുമായി പോരാടിയ കണ്ണൂർ കുറ്റൂർ സ്വദേശിയായ അശ്വന്ത് ചന്ദ്രന്, ഈ ഹൃദയമാറ്റ ശസ്ത്രക്രിയ ഒരു പുതുജന്മമാണ്.
നേരത്തെ ഒരു ശസ്ത്രക്രിയ കഴിഞ്ഞതിനാലും ഹൃദയത്തിന്റെ ഘടനയിലെ സങ്കീർണ്ണതകൾ കാരണവും വലിയ വെല്ലുവിളിയായിരുന്നു ഡോക്ടർമാർക്ക് മുന്നിലുണ്ടായിരുന്നത്. എന്നാൽ കെ-സോട്ടോയുടെ ഏകോപനത്തിലൂടെ ജൂൺ 23-ന് രാജഗിരി ആശുപത്രിയിൽ നിന്നും ഗ്രീൻ കോറിഡോർ ഒരുക്കി കേവലം 20 മിനിറ്റുകൊണ്ടാണ് ജുവിന്റെ ഹൃദയം ലിസി ആശുപത്രിയിൽ എത്തിച്ചത്.
പ്രശസ്ത ഹൃദയ ശസ്ത്രക്രിയാ വിദഗ്ദ്ധൻ ഡോ. ജോസ് ചാക്കോ പെരിയപ്പുറം, ഡോ. സാജൻ കോശി, ഡോ. അനിൽ എസ്. ആർ എന്നിവരുടെ നേതൃത്വത്തിലുള്ള വിദഗ്ദ്ധ മെഡിക്കൽ സംഘം മണിക്കൂറുകൾ നീണ്ട പ്രയത്നത്തിനൊടുവിൽ പുലർച്ചെയോടെ ശസ്ത്രക്രിയ വിജയകരമായി പൂർത്തിയാക്കി.
ശസ്ത്രക്രിയയ്ക്ക് മുൻപ് 70 ശതമാനത്തിൽ താഴെയായിരുന്ന അശ്വന്തിന്റെ രക്തത്തിലെ ഓക്സിജന്റെ അളവ് ഇപ്പോൾ 100 ശതമാനത്തോട് അടുത്താണെന്ന് ഡോക്ടർമാർ വ്യക്തമാക്കി.
പിലാത്തറ ഹോപ്പ് ചാരിറ്റബിൾ ട്രസ്റ്റിന്റെ കാരുണ്യക്കൂട്ടായ്മയാണ് ചികിത്സാ ചിലവുകൾ കണ്ടെത്തിയത്.
തനിക്ക് പുതുജീവൻ സമ്മാനിച്ച ജുവിന്റെ കുടുംബത്തോട് കണ്ണീരോടെ നന്ദി പറഞ്ഞാണ് അശ്വന്ത് ആശുപത്രിയുടെ പടിയിറങ്ങിയത്. ലിസി ആശുപത്രി മാനേജിംഗ് ഡയറക്ടർ ഫാ. പോൾ കരേടന്റെയും മറ്റ് ഡയറക്ടർമാരുടെയും ഡോക്ടർമാരുടെയും സാന്നിധ്യത്തിൽ കേക്ക് മുറിച്ച് സന്തോഷം പങ്കിട്ടായിരുന്നു അശ്വന്തിനുള്ള യാത്രയയപ്പ്.
മസ്തിഷ്ക മരണം സംഭവിച്ച ജുവിൻ രാജുവിന്റെ ഹൃദയവുമായി അശ്വന്ത് ആശുപത്രി വിട്ടു. എറണാകുളം ലിസി ആശുപത്രിയിൽ വിജയകരമായി പൂർത്തിയായ മുപ്പത്തിമൂന്നാമത് ഹൃദയം മാറ്റിവയ്ക്കൽ ശസ്ത്രക്രിയയ്ക്ക് ശേഷമാണ് ഇരുപത്തിനാലുകാരനായ അശ്വന്ത് ചന്ദ്രൻ ജീവിതത്തിലേക്ക് പൂർണ്ണ ആരോഗ്യവാനായി മടങ്ങിയെത്തുന്നത്. മരണത്തിലും മറ്റൊരാളിലൂടെ ജീവിക്കാൻ തയ്യാറായ പതിനാറുകാരൻ ജുവിൻ രാജുവിന്റെ വലിയൊരു കാരുണ്യത്തിന്റെ കഥയാണിത്. ജന്മനാ അതീവ സങ്കീർണ്ണമായ ഹൃദ്രോഗവുമായി പോരാടിയ കണ്ണൂർ കുറ്റൂർ സ്വദേശിയായ അശ്വന്ത് ചന്ദ്രന്, ഈ ഹൃദയമാറ്റ ശസ്ത്രക്രിയ ഒരു പുതുജന്മമാണ്.നേരത്തെ ഒരു ശസ്ത്രക്രിയ കഴിഞ്ഞതിനാലും ഹൃദയത്തിന്റെ ഘടനയിലെ സങ്കീർണ്ണതകൾ കാരണവും വലിയ വെല്ലുവിളിയായിരുന്നു ഡോക്ടർമാർക്ക് മുന്നിലുണ്ടായിരുന്നത്. എന്നാൽ കെ-സോട്ടോയുടെ ഏകോപനത്തിലൂടെ ജൂൺ 23-ന് രാജഗിരി ആശുപത്രിയിൽ നിന്നും ഗ്രീൻ കോറിഡോർ ഒരുക്കി കേവലം 20 മിനിറ്റുകൊണ്ടാണ് ജുവിന്റെ ഹൃദയം ലിസി ആശുപത്രിയിൽ എത്തിച്ചത്.പ്രശസ്ത ഹൃദയ ശസ്ത്രക്രിയാ വിദഗ്ദ്ധൻ ഡോ. ജോസ് ചാക്കോ പെരിയപ്പുറം, ഡോ. സാജൻ കോശി, ഡോ. അനിൽ എസ്. ആർ എന്നിവരുടെ നേതൃത്വത്തിലുള്ള വിദഗ്ദ്ധ മെഡിക്കൽ സംഘം മണിക്കൂറുകൾ നീണ്ട പ്രയത്നത്തിനൊടുവിൽ പുലർച്ചെയോടെ ശസ്ത്രക്രിയ വിജയകരമായി പൂർത്തിയാക്കി.ശസ്ത്രക്രിയയ്ക്ക് മുൻപ് 70 ശതമാനത്തിൽ താഴെയായിരുന്ന അശ്വന്തിന്റെ രക്തത്തിലെ ഓക്സിജന്റെ അളവ് ഇപ്പോൾ 100 ശതമാനത്തോട് അടുത്താണെന്ന് ഡോക്ടർമാർ വ്യക്തമാക്കി. പിലാത്തറ ഹോപ്പ് ചാരിറ്റബിൾ ട്രസ്റ്റിന്റെ കാരുണ്യക്കൂട്ടായ്മയാണ് ചികിത്സാ ചിലവുകൾ കണ്ടെത്തിയത്.[OUTRO / ANCHOR]തനിക്ക് പുതുജീവൻ സമ്മാനിച്ച ജുവിന്റെ കുടുംബത്തോട് കണ്ണീരോടെ നന്ദി പറഞ്ഞാണ് അശ്വന്ത് ആശുപത്രിയുടെ പടിയിറങ്ങിയത്. ലിസി ആശുപത്രി മാനേജിംഗ് ഡയറക്ടർ ഫാ. പോൾ കരേടന്റെയും മറ്റ് ഡയറക്ടർമാരുടെയും ഡോക്ടർമാരുടെയും സാന്നിധ്യത്തിൽ കേക്ക് മുറിച്ച് സന്തോഷം പങ്കിട്ടായിരുന്നു അശ്വന്തിനുള്ള യാത്രയയപ്പ്.
